الاثنين، 21 نوفمبر 2011

حوار مع احدي اعضاء الجروب
Mahmoud El-Dennawy


الاستاذه \بشاير الخير
· · · 27 September at 03:43

  • You, Haitham Ahmed, Sayed Ahmed and 11 others like this.


    • Mahmoud El-Dennawy اتفضلي عرفينا بنفسك
      27 September at 03:44 ·

    • بشائر الخير انا اسمى....بشائر من القاهره واقيم حاليا فى سنورس
      27 September at 03:45 · · 1

    • Mahmoud El-Dennawy هل من اضافات يا سيدتي
      27 September at 03:47 ·

    • بشائر الخير حاصله على ليسانس الاداب لغه انجليزيه وعندى ابنتين وولد
      27 September at 03:48 · · 1

    • بشائر الخير احنا اسره مستوره والحمد لله خمسة اخوه وانا الابنه الصغرى
      27 September at 03:51 · · 2

    • Mahmoud El-Dennawy احكيلنا عن الطفوله
      27 September at 03:52 ·

    • بشائر الخير كانت طفوله جميله لا تخلو من المرح والشقاوه وانا كنت مدلعه لاقصى درجه ممكنه بس الحمد لله ربنا تاب على لانه كان دلع ماسخ قوى
      27 September at 03:54 · · 3

    • Mahmoud El-Dennawy هل هناك موقف لا تنسينه في الطفوله ومحفور في ذاكرتك
      27 September at 03:55 ·

    • بشائر الخير بصراحه لا يحضرنى الان اى موقف
      27 September at 04:00 · · 1

    • Mahmoud El-Dennawy شخصيات اثرت عليكي
      27 September at 04:01 ·

    • بشائر الخير النبى عليه الصلاةوالسلام وامى وابى ومدرس الثانوى لانه كان بيكلمنا كتير ويشجعنا على القراءه
      27 September at 04:06 · · 5

    • Mahmoud El-Dennawy ايه راي حضرتك في الثوره من جميع النواحي الخاصه بها وشعورك الان
      2 October at 01:35 ·

    • بشائر الخير هى كانت ثوره عظيمه كل المصريين قاموا بيها حتى اللى كانوا قاعدين فى البيت واذكر اننا ما كناش بنام اثناء الثوره ولاول مره عرفنا يعنى ايه مصر مش اللى كنا بنحس بيها عندما يفوز المنتخب واذكر عندما كنا نتابع قناة الجزيره وعندما يعلقون على احداث الثوره بمقطع من اغنيه ام كلثوم انا ان قدر الاله مماتى ما ترى الشرق يرفع الراس بعدى كنت احس انى بادوب من اعماقى وابكى خوفا عليها .....اما الان كل شىء خمد وزال ولم يبقى من الثوره سوى اصحاب المصال والمنافع الكل يلهث وراء المنصب وكل يبكى على ليلاه
      2 October at 01:43 · · 5

    • Mahmoud El-Dennawy هل تربي اولادك بنفس الطريقه التي تربيتي بها
      2 October at 01:45 ·

    • بشائر الخير نفس المبادىء اللى اتربي ت عليها ولكن الطريقه مختلفه
      2 October at 01:47 · · 1

    • Mahmoud El-Dennawy ايه الفرق بين العيشه في القاهره وسنورس
      2 October at 01:48 ·

    • بشائر الخير بصراحه مافيش فروق جوهريه بالعكس فى سنورس امان اكثر ومافيش قلق على ولادكوانا شايفه ان سنورس مدينه متكامله فيما عدا شويه حاجات كده بس فى المستقبل يمكن تختفى
      2 October at 01:52 · · 2

    • Mahmoud El-Dennawy متي
      تبكين
      تفرحين
      تكذبين
      2 October at 01:52 ·

    • بشائر الخير ابكى من الظلم والافتراء بدون وجه حق واما اشوف اى فيلم فيه مواقف انسانيه وافرح اما اولادى يتفوقوا فى الدراسه ولما جوزى يمدحنى واما اعما اكله كويسه وتعجب ولادى اكذب .....كتير....بس والله بندم ..وبحاول امتنع ...لكن مافيش فايده ربنا يسامحنى
      2 October at 01:57 · · 8

    • Mahmoud El-Dennawy انتي بتحبي مصر
      2 October at 01:58 ·

    • بشائر الخير يا خبر ابيض بحبها من كل روحى ودمى
      2 October at 01:59 · · 3

    • Mahmoud El-Dennawy بتصرفوا كام في الشهر
      2 October at 01:59 ·

    • بشائر الخير حوالى 1200 طبعا رديت على طول لانى لسه كنت بحسب الحسبه دى
      2 October at 02:00 · · 6

    • Mahmoud El-Dennawy مهتمه بالسياسه
      2 October at 02:00 ·

    • بشائر الخير علشان خاطر مصر اه عاوزه اعرف اللى احنا فيه دا اخره ايه وهترسى على ايه
      2 October at 02:01 · · 2

    • Mahmoud El-Dennawy بتحبي حد من اولادك اكتر
      2 October at 02:02 ·

    • بشائر الخير المريض حتى يشفى والغائب حتى يعود والصغبر حتى يكبر فيما عدا ذلك كلهم ابنائى
      2 October at 02:03 · · 6

    • Mahmoud El-Dennawy الناس بدأت تتضايق من الثوره ليه
      2 October at 02:04 ·

    • بشائر الخير علشان المطلب الفئويه والاضرابات ووقف الحال وكل واحد ماكانش طايل حاجه جت له الفرصه واللت والعجن فى الفاضيه والمليانه وسبحان الله فجاءه الناس كلها بقت بتفهم فى السياسه
      2 October at 02:06 · · 2

    • Mahmoud El-Dennawy انتي عايزه ايه
      2 October at 02:07 ·

    • بشائر الخير عاوزه حاجات كتيييير اولا نفسى لمصر الاستقرار وتبقى احسن بلد فى العالم كما يليق بيهاوعاوزه الناس تكون مرتاحه وما نشوفش العشوائيات والمخدرات تختفى ...لو فتحت فى عاوزه مش هتخلص وخصوصا الستات
      2 October at 02:15 · · 6

    • Mahmoud El-Dennawy لما كان حد بيعاكسك وانتي صغيره كنتي بتعملي ايه
      2 October at 02:16 ·

    • بشائر الخير كنت باقول لماما وتنزل بقى الشارع وعينك ما تشوف الا النور
      2 October at 02:26 · · 1

    • Mahmoud El-Dennawy النساء ناقصات عقل ودين
      2 October at 02:27 · · 1

    • بشائر الخير يييى....النساء زى الفل... وخليكم فى حالكم وبلاش جر شكل
      2 October at 02:28 · · 4

    • Mahmoud El-Dennawy تسمعي عن الليبراليه والعلمانيه
      2 October at 02:29 ·

    • بشائر الخير اه الليبراليه يعنى الحريه ودى كلنا ننشدها ونتمناها ولكن فى اطار الضوابط الشرعيه العلمانيه ربنا ما يحكم على مصر بيها
      2 October at 02:31 · · 4

    • Mahmoud El-Dennawy بتتخانقي مع حماتك
      2 October at 02:31 · · 1

    • بشائر الخير كان نفسى بس....بس الله يرحمها
      2 October at 02:32 · · 4

    • Mahmoud El-Dennawy الريموت في ايدك والتلفزيون قدامك ؟بتشوفي ايه
      2 October at 02:44 ·

    • بشائر الخير قناة الرحمه او الناس او احب مشاهدة افلام الابيض والاسود وقناة زى افلام وخصوصا افلام شاروخ خان
      2 October at 02:48 · · 2

    • Mahmoud El-Dennawy كان نفسك تكوني ايه
      2 October at 02:49 ·

    • بشائر الخير كان نفسى اكون .مضيفه ولكنى الان مضيفه فى منزلنا .....يلا....قلبت على المواجع
      2 October at 02:53 · · 5

    • Mahmoud El-Dennawy الموت اخد منك حد
      2 October at 02:54 ·

    • بشائر الخير اخد منى ابنى واخويا ونفسى ما ياخدش حد تانى
      2 October at 02:55 · · 2

    • Mahmoud El-Dennawy ليه الراجل بيحب يعمل علاقات بره بيتو حتي وان كانت زوجته بتعامله كويس
      2 October at 02:56 ·

    • بشائر الخير بعيد عنك فراغة عين بس مش كل الرجاله لى رأى ان الست اللى جوزها يعمل كده تصلق فورا ولو تموت من الجوع
      2 October at 02:59 · · 4

    • Mahmoud El-Dennawy هتنتخبي مين
      2 October at 03:00 ·

    • بشائر الخير امممم....اقولك....اللى يعرض برنامج انتخابى اشوفه هيغير من مصر ويخليها للاحسن واللى هيضع التعليم من اولوياته...هو دا وان شالله يكون بيبيع بطاطا
      2 October at 03:02 · · 3

    • Mahmoud El-Dennawy بتخافي من ايه
      2 October at 03:03 ·

    • بشائر الخير من ربنا....ومن بكره ويا ترى شايل ايه ..... ومن المرض
      2 October at 03:04 · · 1

    • Mahmoud El-Dennawy عاوزين نحارب اسرائيل
      2 October at 03:05 ·

    • بشائر الخير ايدى على كتفك.....يلا بينا ....بصراحه عاوزين يتربوا..
      2 October at 03:06 · · 6

    • Mahmoud El-Dennawy ترضي تكوني زوجه تانيه
      2 October at 03:09 ·

    • بشائر الخير زوجه تانيه؟........دا انا زوجه اولى بالعافيه...مافيش رجاله بتعدد الا الاخوان ...بحجة السنه زاقتداء بالصحابه...ما علينا ...الرجال العاديين ...اعتقد لاء...لان منين..السبب فى التعدد هو الست لانها رضيت بهذا
      2 October at 03:13 · · 4

    • Mahmoud El-Dennawy حاورني أو اقتلني
      يعني ايه
      2 October at 03:14 · · 3

    • بشائر الخير معنى فيه تطرف ومغالاه يعنى اما الحوار والتفاهم او القتل.....يعنى مافيش خيار وسط
      2 October at 03:16 · · 1

    • Mahmoud El-Dennawy معاكي 43مليون جنيه
      يللي اصرفي
      2 October at 03:17 ·

    • بشائر الخير بجد والنبى..... جزء اتصدق بيه وجزء لاهلى واخواتى...واجيب عربيه ملكى جوزى مالوش دعوه بيها...اغير اثاث الشقه واحط الباقى فى البنك واخلى جوزى ما يشتغلش ويقعد فى البيت يرتاح بقى .....ونعيش
      2 October at 03:21 · · 4

    • Mahmoud El-Dennawy قولي ما بداخلك الان بسرعه وبدون تفكير
      2 October at 03:22 ·

    • بشائر الخير عاوزه اقوم اكوى ملابس المدرسه لاولادى
      2 October at 03:23 · · 2

    • Mahmoud El-Dennawy كلمه للجروب واعضائه
      2 October at 03:23 ·

    • بشائر الخير لاقيت فيكم ما ابحث عنه من فكر وعلم ومحبه .....بس كفايه كلام عن الاخوان والسلفيه و...... ونختلف على اد..ما نختلف ولكن عمرنا ما نفترق
      2 October at 03:25 · · 4

    • Mahmoud El-Dennawy الف شكر يا استاذه
      شكرا جزيلا
      2 October at 03:26 ·

    • بشائر الخير دا انا اللى الف شكر ...وحقيقى حوار من محاور متمرس وخبير جزاك الله كل خير
مرسلة بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)