حوار مع أحد أعضاء الجروب
الاستاذ /عماد هلال
Like · · Follow post · 15 October at 20:44
- Osama Ali Ali and 5 others like this.
·
Mahmoud El-Dennawy عرفنا بنفسك يا سيدي باستفاضه
15 October at 20:44 · Like
Emad Helal أصعب سؤال هو تعريف النفس .. يارب يامسهل .. أنا عماد هلال شخصيه غير مهمه أعمل بالثقافة الجماهيريه ومتزوج واعول ثلاثة أطفال أكبرهم عدى ومى ومحمد ..أغلاهم عدى الأكبر لأنه مريض حسب كلام الام العربيه من أقرب أولادك لقلبك قالت : المريض حتى يشفى والمسافر حتى يعود والصغير حتى يكبر
15 October at 20:51 · Like · 
2 people
Mahmoud El-Dennawy كلمنا عن اسرتك الكبيره والدك واخواتك
15 October at 20:53 · Like
Emad Helal والدى رحمة الله عليه كان مهتم بالعمل العام وكان لازع اللسان فى النقد وكان مثقف كبير يقرأ فى السياسة واللاهوت والناسوت والفلسفة اذكر عند القبض عليه فى اعتقال اخى الاكبر د. شوقى عبد الحكيم - اللى هتكلم عنه ايضا لواتاح الامر - كان يقرا فى كتاب فلسلفة الملابس ، وعندما تطاول عليه وكيل النيابه صرخ فيه وقاله اكتب ما يملى عليك .. إن الأرض تلتمس الطهارة من موقع أقدامنا وجلس يمليه حتى توسل اليه وكيل النيابة ان يتوقف ، أذكر له أيضا أن الرائع صلاح جاهين كان يرسم موشى ديات ريس وزارة الكيان الصهيونى فى الكاريكاتير معصوب العين ويدعوه " بالأعور" حينها كتب له خطاب يقرعه فيه أنه لا يجب أن تسخر من عاهة انسان، هناك أكثر من موقف لايسع لها المكان .. أخى الاكبر هو شوقى عبد الحكيم كاتب ومسرحى له 44 كتاب فى المسرح والرواية والفلكلور أهم اعماله فى المسرح حسن ونعيمه والمستخبى اخرجهم كرم مطاوع ومثلتهم امينة رزق ومحسنه وفيق ايضا شفيقة ومتولى التى تحولت لفيلم بطولة سعاد حسنى واحمد زكى وله موسعة الفلكلور والاساطير العربية ونحن اربع سيدات وخمسة اولاد انا اصغرهم .. اسف على الاسترسال
15 October at 21:12 · Like · 3 people
Emad Helal علىفكرة الديوان الاول لصلاح جاهين كان تفديم شوقى عبد الحكيم حيث كان اول من كتب ن جاهين فى ديوان كلمة سلام
15 October at 21:18 · Like · 1 person
Mahmoud El-Dennawy كلمنا عن طفولتك بشكل عام
15 October at 21:19 · Like
Emad Helal طفولتى فى مدينة سنورس اللى كانت رائعه وتشتهر بالمثقفين من امثال صلاح حامد شهيد محرقة بنى سويف وممدوح حنظل والفنان عهدى شاكر احمدى قاسم واخرين كنا مهتمين بالثقافة بشكل عام والمسرح بشكل خاص وازكر كان يقرا لنا صلاح بصوته الجهورى اشعار صلاح عبد الصبور ومأساة الحلاج غيرها وطفولتى كانت فى مدرسة ابهيت الحجر حيث كان الوالد ناظر لها والاوائل فى المحافظة كانت منها .. تربينا فى حديقة الملاحة وتلفزيون عبد الناصر فيه شفنا افلام الحرام ودعاء الكروان وغيرها وتريبينا فى مكتبة مجلس المدينة وبيت الثقافة حيث كان الاب يدعونا للقراءة حتى ولو ورقة فى الارض
15 October at 21:29 · Like · 2 people
Mahmoud El-Dennawy شخصيات اثرت عليك ؟
15 October at 21:30 · Like
Emad Helal الافضل اثرت فيا .. أصدقاء الشباب المبكر مثل مازكرت على راسهم صلاح حامد وهناك عند المعرفة بالعمل السياسى كان المرحوم الدكتور لطفى سليمان والاخ الاكبر حيث كان يصطحبنى للقاهرة لحضور برفات مسرحه مثل الملك معروف وشوف احمد اباظه والجندى والفيشاوى حيث كانوا يتحسسون الشهرة وكنت اقضى معظم الوقت مع اولاده فى حديقة الحيوان حيث كان السن مقارب لهم ولا وأخىوصديقى بهاء عبد الحكيم الرائع، ولأا انسى الاستاذ يوسف حجازى وكلامه عن الاشتراكية وغيرهم .. ايضا الصديق محمود الدناوى بعقله وفكره وصالونه اللى عمله فى الساحة فى وقت بكر ودعى فيه قمم فى الثقافة وعلم النفس
15 October at 21:40 · Like · 2 people
Mahmoud El-Dennawy يعني ايه انسان مثقف ؟
15 October at 21:40 · Like
Emad Helal المثقف احتار الكثر فى تعريفه لكن أنا مقتنع بتقسير أبى اللى كان يكتبه على هوامش الصفحات أنه صاحب العقل المرن
15 October at 21:43 · Like · 3 people
Mahmoud El-Dennawy هل لك انتماء سياسي ؟
15 October at 21:44 · Like
Emad Helal طبعا ..من ليس له انتماء سياسى فليس له طعم ولا لون أنا يسارى انتمى للفكر اليسارى بشكل عام ولكن ديمقراطى
15 October at 21:47 · Like · 2 people
Mahmoud El-Dennawy يعني ايه ليبراليه ؟
15 October at 21:48 · Like
Emad Helal الليبرالية من وجهة نظرى هى حرية التفكير ولا تتعارض مع الاديان .. مش بقول كده عشان التهم اللى ماشيه الان .. لأ.. الدين الاسلامى عبقرى فى تحقيز الانسان ليفكر بحريه.. أيضا الليبرالية صمام امان لعدم الجور على حق الاقليه ايا كانت من الناحية السياسية .. ولااعتقد ان فيه انسان يحب يجور على حقوق الاخر..
15 October at 21:54 · Like · 1 person
Mahmoud El-Dennawy يتعرض المثقف الي عزله واكتئاب
هل هذه المقوله صحيحه ولماذا ؟
15 October at 21:55 · Like · 1 person
Emad Helal صحيحه بشكل كبير حيث أن عقل وعين المثقف مثل الكاميرا الديجتل او مثل عين زرقاء اليمامة ترصد والعقل يحلل ما هو قائم وما هو أت قيرى الاشجار تتحرك من بعد ويفهم الخطر لكن غالبا العامة لا يصدقوه فتكون العزلة والاكتئاب
15 October at 22:00 · Like · 2 people
Mahmoud El-Dennawy ذكرت ان ابنك الاكبر مريض وانه اغلي ابنائك ؟
15 October at 22:01 · Like
Emad Helal عدى ولد بنقص فى الأكسوجين وده أثر بشكل كبير على مراكز المخ مما جعله قعيد لا يتكلم وعند ضمور فى العضلات يعنى انسان عنده 20 عام لكن العمر الحركى 6 أشهر لكن الغريب يفهم ويحب ويعرف الوقت وله ضحكه تسعد القلب الحزين يعى مهما تكون راجع مهموم تشوق ضحكته ورمية رقبته للخلف تنسى الدنيا بحميه واغير له طبعا الام تتحمل الجزء الاكبر من التعب وهى ام فاضله عمرها ماشتكت رغم صعوبة الامر بتعب الان من شيله عشان السن لكن الامر يهون .. بيحب عمه بهاء قوى رغم انه فى امريكا يمكن من 15 عام لكنه يضحك ويفرح لسماع صوته فى التليفون .. الدنيا تبقى ناقصه كثير قوى من غير عدى دودو الجميل.. وبيشجع برشلونه وبيحب مسى
15 October at 22:10 · Like · 6 people
Mahmoud El-Dennawy الثوره ؟
15 October at 22:11 · Like · 1 person
Emad Helal أه الثورة ..نقطه ومن أول السطر .. يوم 23 يناير قريت على الفيس ..كنت عارف الدوعة قبل كده ده صحيح .. لكن قريت أن 100 شاب فى الثانوية العامة عايزين يننزلوا يوم 25 فى المظاهرة بس مش عارفين يرحوا فين ؟ عندها قررت أن اذهب يوم 25 يناير أشوف هؤلاء الابناء وكانت المشاركة وتوالت المشاركات .. الثورة جمرة نار طاهرة وكل اللى هيحاول يلمسها وهو غير طاهر القلب والنفس هتحرقه سوف يذهب وتبقى الثورة
15 October at 22:19 · Like · 2 people
Mahmoud El-Dennawy بتحب تاكل ايه
15 October at 22:22 · Like
Emad Helal بحب أكل لما أجوع وانت جيعانكل الاكل جميل امى كانت تقول الجيعان ياكل كل حاجه لكن بحب الفول والطعمية خاصة وهى سندوتشات بس تكون معموله حلو وبحب الحلويات الشرقية وام على
15 October at 22:23 · Like · 3 people
Emad Helal والايسكريم من عند العبد ده اصبح من الاشياء المصاحبه للموليونيات
15 October at 22:24 · Like · 1 person
Mahmoud El-Dennawy ماذا تعني لك هذه الكلمه
مصر ؟
15 October at 22:25 · Like · 2 people
Emad Helal على اسم مصر
على اسم مصر التاريخ يقدر يقول ما شاء
أنا مصر عندي أحب وأجمل الأشياء
باحبها وهي مالكه الأرض شرق وغرب
وباحبها وهي مرميه جريحة حرب
باحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلقيني جنبها في الكرب
والنبض ينفض عروقي بألف نغمة وضرب
هى دى مصر مش بكل بساطه .. لأ بكل قوه مصر قديمه قوى أقدم شئ على الارض أقدم دوله مركزيه وموحده .. كانت هى النور والضلمه عامه الارض
15 October at 22:30 · Like · 2 people
Mahmoud El-Dennawy انت بتصرف كام في الشهر ؟
15 October at 22:31 · Like
Emad Helal أنا بصرف ما يقرب من 3000 ج أحيانا أكثر وأحيانا أقل نعمه وفضل
15 October at 22:33 · Like
Mahmoud El-Dennawy لماذا قال ماركس
الدين افيون الشعوب
15 October at 22:35 · Like
Emad Helal يعنى الدين أقيون الشعوب عندما يتحول لقربان للحاكم وتذبح الشعوب باسم الدين من أجل الحاكم الاله الفرد وكله بسم الدين وقد عانت شعوب كثيره من حكم الدولة الثيوقراطية الذى باع فيها رجل الدين الجنة .. مقوله مهمه وتحزريه وتثير لمبات التحزير فى العقل
15 October at 22:41 · Like · 2 people
Mahmoud El-Dennawy معاك برشامه واحده
عبد الواحد مريض
جورج مريض
؟؟؟؟؟؟؟؟؟؟؟؟
15 October at 22:42 · Like
Emad Helal أعنقد الأولوية للأكثر مرض والان جورج مريض جدا
15 October at 22:46 · Like · 4 people
Mahmoud El-Dennawy هل تتفق أم تختلف مع هذه الجمله الآتيه
فصل الدين عن السياسه ولماذا ؟
15 October at 22:47 · Like · 1 person
Emad Helal قصل الدين عن السياسة جائز ، أما قصل الدين عن السلطة فهذا أمر واجب .. يجب أن نفرق بين السياسة والسلطة ، العمل سياسة والخدمات سياسه الزراعة والطب والصناعة والتجارة سياسة ومبادئ الدين تهذب وتجمل من كل هذا .. أما السلطة لها خمر تذهب العقول
15 October at 22:52 · Like · 2 people
Mahmoud El-Dennawy يعني ايه كلمة مواطنه ؟
15 October at 22:53 · Like
Emad Helal المواطنه كلمه مأخوذه من الوطن والوطن أسبق واقدم واعرق من كل الافكار ..الوطن هو البوطقة اللى اتفق - لوضمنيا - مجموعه من الناس ان يعيشوا عليه ويصنعوا تاريخهم وحضارتهم مش خيمه تشيلها والريح تطمس معالم اثارك ..لأ الوطن تاريخ وحضاره وأثار عشنا فيه وعاش فينا .. اذن لا فرق فيه بين أسود وأبيض بين دين ودين وعرق وعرق الكل فيه أمام القانون سواء كأسنان المشط
15 October at 23:01 · Like · 2 people
Mahmoud El-Dennawy متي
تغضب
تفرح
تبكي
تكتئب
تكذب ؟
15 October at 23:02 · Like
Emad Helal بغضب لما حد يتعمد سوء الفهم لى او لغيرى بشكل عام لما يكون بينتقى وبغضب من اصحاب المنهج التلفيقى.. بفرح لمصر بتفرحنى قصيده حلوه لها .. وبكبى من اجلها حتى الاشياء الصغيره عندما تبكيك فيها من مصر..وتكتئب لأخبارها الحزينه ..والكذب مش عارف أحيانا علينا جميعا أن نكذب أو يقرض عليك أن تقول بعض الكذب.. أكيد كذبت فى بعض المواقف .. أنا انسان
15 October at 23:14 · Like · 2 people
Mahmoud El-Dennawy احكيلنا
متي وكيف استقبلت خبر وفاة والدك رحمة الله عليه ؟
15 October at 23:15 · Like
Emad Helal والدى توفى بالمنزل بعد رحلة علاج قصيره فى القاهرة ثم فى مستشفى الفيوم العام وهناك شئ غريب قوى حادث وقعت طيارة اعتقد التى كان بها أحمد بدوى وعدد من ظباط الجيش وبسأله قال ان السادات واسرائيل اتفقوا على ان ينهوا كل من هو خبير بالحرب حتى يفرغوا الجيش ، وبعد نقله من المستشفى بحوالى شهر اوأكثر توفى كنت صغير بعض الشئ فى اول العشرينات واعتقدت أنها نهاية العالم بالنسبة لى .. لكن العالم ضحك عليه واستمر ظل يدخل فى غيبوة وراء الاخرى لكن ظل زهنه متقد عندما يفيق وكان أخر كلامه انها دنيا ملهاش ازمه بالرغم من قوته التى تجلت عند وفاة أخى نبيل وهو فى البكالوريوس الزراعة وكان يحبه لأنه كان راجل فى تصرفاته قوى وكان رياضى وتوفى بمرض الكليه عندها حمعنا وحاضر لنا فى الموت ومثله بالطحونة التى تطحن القمح عندما يحين الدور على القمحة وتقع تحت الحجر تطحن وفى حالة نبيل قمحه تدحرجت من اعلى لسفل فطحنت مبكرا لكن القمح كله سيطحن اجلا ام عاجلا وبالرغم من هذا ظننت انها نهاية العالم
15 October at 23:31 · Like · 2 people
Mahmoud El-Dennawy اردوغان والتجربه التركيه ؟
15 October at 23:31 · Like
Emad Helal أردوغان عمل صدمه حضاريه ..اعتقد البعض أنه سيكون صاحب منهج تلفيقى وهيغنى على دغدغة المشاعر واحنا نصفق له مش واخدين بالهم أن الصدق هو العمود الفقرى للديموقرطية ومينفعش دغدغة الشعور أردوغان قال ما اعتقد انه أخرج تركيا من الفقر والجهل لدولة محوارية من عمال فى مطاعم بالخليج والسعوديه يصتعوا الكباب والكفته لأصحاب صناعة حقيقية وسياحة عظمه وشعور بالكرامة لدى التركى التى اهدرت سابقا ، تكلم عن علمانية الدولة التى تتيح حرية الابداع والفكر .. كيف تتقدم للامام وانت مكبل ..!! دون ابداع حتى لحل مشكلاتك.. العلمانية التى تقف على مسافة متساوية من كل الافكار والعقائد المختلفة ، علمانية الدولة وليست علمانية الافراد
15 October at 23:44 · Like · 2 people
Mahmoud El-Dennawy مسيحي وامرأه لحكم مصر ؟
15 October at 23:45 · Like
Emad Helal الكفاءة هى الشرط الحاكم للحكم كم من سيدات حكمت دول وخرجت بها من ازمات كبرى والتاريخ ملئ ، والكفاءة لا تعرق امراأة ورجل مسلم او مسيحى ، ولكنها تعرق المجتهد ومصر حكتها شجرة الدر وكان رئيس وزرائها مسيحى مكرم عبيد وقال كلمته الشهيرة عندما ساومه الانجليزى كأقليه " أن مصر وطن يعيش فينا و نعيش فيه " .. نأتى الأن ونطرح مثل هذه الاشكاليات
15 October at 23:55 · Like · 2 people
Mahmoud El-Dennawy قل جمله واحده عن
حمدين صباحي
ايمن نور
ابو اسماعيل
البرادعي
عمرو موسي
ابو الفتوح
العوا
15 October at 23:58 · Like
Emad Helal حمدين ..مناضل.. ايمن نور زكى ابوسماعيل..ايدولوجى البرادعى... صادق عمر موسى ...فلول أبو الفتوح ... توافقى
Sunday at 00:04 · Like
Emad Helal العوا ..متردد
Sunday at 00:04 · Like
Mahmoud El-Dennawy مصر تسير نحو حكم اسلامي ؟
Sunday at 00:06 · Like
Emad Helal لا أعتقد المزاج العام المصرى وسطى ولم يحدث حكم اسلامى بالمعنى الاقرب لدولة الثيوقراطية الا فى حكم الفاطميين وهضمتة مصر بعبقريتها وكانت تسأل وتقول " هو السؤال حرم " ونشأت فيها السيده زينب صاحبة الديوان والشيخ زارع والشيخ عبد الرحيم القناوى وغيرهم مصر لها جزور لايمكن خلعها لكنها هى من تهضم وتضم لها المبادئ الافضل دون الغرق فى التفاصيل مصر مش حزب الله او ايران مصر وسطية الازهر ..والسلطه مكروها فى مصر دوما لانها رمز التركى والغاصب ومصر عرفت الثورات منذ الفراعنه ، وعرفت شكاوى الفلاح الفصيح .. وعرفت النكات والضحك وملاعيب شيحا
Sunday at 00:24 · Like · 1 person
Mahmoud El-Dennawy الفنون والقيود ؟
Sunday at 00:24 · Like
Emad Helal الحرية شرط اساسى للابداع اذا فرضت القيود لا يموت الفن ولكن يصبح فن هابط وتولد فنون موازيه وسريه تصبح اكثر تأثير وأهميه ، ويصبح الفن الرسمى هابط ومكروه والفن المطارد السرى هو الفن الحقيقى ، وعندنا نجم والشيخ امام بقى نجم وامام وذهبت السلطه
Sunday at 00:40 · Like · 1 person
Mahmoud El-Dennawy لماذا سقطت الشيوعيه
وهل تصلح لمصر ؟
Sunday at 00:40 · Like
Emad Helal الشيوعيه منهج عقلى تحليلى بعنى زى الماكينه تغزيها بالقضايا وهى تحلل وتعطى النتايج فلسفه والفلسفه لا تسقط الفلسفة الارسطيه مازالت تقسر الكثير من النصوص وغيرها ومربع ارسطو مازال يدرس، ربما يسقط نظام الحكم نتيجة اخطاء او غيره ، اما هل تصلح لمصر اعتقد لا تصلح كنظام حكم ولكن المنهج التحليلى يصلح لكل بلد ، والثورة فى مصر لوحللت ندائها عيش حريه عدلة اجتماعية فهى قريبه وملامسه للفكر اليسارى بشكل عام
Sunday at 00:49 · Like · 1 person
Mahmoud El-Dennawy قل ما تشعر به الان بسرعه ودون تفكير ؟
Sunday at 00:49 · Like
Emad Helal حاسس انى اتعسرت
Sunday at 00:51 · Like · 1 person
Mahmoud El-Dennawy كلمه للجروب واعضائه
Sunday at 00:52 · Like
Emad Helal بحبهم كلهم ويارب اكون مزعلتش حد فيهم واعتزر لهم لوكانت هناك اجابة صادمة احيانا ويتحملونى فى النهاية ده مجرد راى لرجل غير مهم
Sunday at 00:54 · Like · 1 person
Mahmoud El-Dennawy الف شكر يا استاذ عماد
شكرا جزيلا
Sunday at 00:55 · Like
Emad Helal كل الشكر لك ياكابتن وتعبك وجهدك الكبير لا يكافئه شكر ولكن الكثير من الشكر
Sunday at 00:57 · Like · 1 person
Shomos Elbadry أستاذ عماد حضرتك طبعا من أعلام الجروب... وشعرت من خلال حوارك أنك أخذته فرصة لكي تحيي ذكرياتك من جديد مع كل الشخصيات التي تأثرت بها في حياتك فكأنما الإجابات هي خلاصة خبرات كل هذه الشخصيات التي تعاملت معها وخلاصة الثقافة التي اكتسبتها منذ أن وضعك والدك علي طريق القراءة حتي أحسست أنه ليس حوارا ثنائيا وإنما صالونا ثقافيا كانت فيه كل هذه الشخصيات حاضرة لأنها محفورة في عقلية استطاعت أن تجمع ملامحهم بأصالتها وتميزها.
Sunday at 01:10 via Mobile · Unlike · 4 people
Emad Helal شكرا للاستاذه شموس وحوارك كان أكثر من رائع
Sunday at 01:12 · Like · 2 people
Emad Helal وانا كنت رافض من قتره الحوار بس امام الكابتن الدناوى محدش يقدر عليه
Sunday at 01:13 · Like · 3 people
Shomos Elbadry حضرتك كنت عايز تحرمنا من الحوار المثري ده ... عرفنا حضرتك أكتر واستفدنا بلاشك من آرائك المتميزة
Sunday at 01:20 via Mobile · Like · 2 people
Rody El Soly انت هتقولنا....دا التعلب المكار اللى بينام فاتح عين و قافل عين....حوارك شيق ...ربنا يكثر من امثالك
Sunday at 01:21 · Like · 2 people
Emad Helal شكرا لحضرتك
Sunday at 01:29 · Like · 1 person
حسن المصري شكرا لك يا كابتن على الحوار الجميل ده , واشكر استاذ عماد لانه فعلا من الناس اللي لها تفكيرها المحترم ورأيه له قيمته
Sunday at 18:08 · Unlike · 3 people
ليست هناك تعليقات:
إرسال تعليق