الجمعة، 26 أغسطس 2011

شعار المرحلة .. وكأئنك يابوزيد ماغازيت..

كانك يابوزيد ماغزيت

ولا روحت ولا جيت

كان شعار المرحلة فى العهد البائد .. ارمى من ورا ظهرك

ردده المخلوع حسنى مبارك على وزير ثقافته فاروق حسنى بعد خسارته الفاضحة فى اليونسكو .. واليوم وبعد بزوغ ثورة 25 يانير التى فجرها شباب مصر الرائع وانضم اليها شعب مصر بكل أطيافه، وتولى المجلس العسكرى ادارة شؤون البلاد وشكل شرف وزارتين متتاليتين ، واحده من الفلول الا قيلا تحت سمع وبصر المجلس العسكرى ، والثانية بعد اندلاع عدة مليونيات شكلها نفس رئيس الوزارة على عينه ، لكن شبيها كل الشبه بالوزارة الأولى نسخه ربما تكون معدله ولكنها لاتعرف الثورة التى أطحت برأس النظام وتتعامل بمنطق ليس بالامكان أفضل مما كان .

رؤساء مدن وأحياء كلهم أو بالأحرى معظمهم من العهد البائد ، محافظين على نفس الشاكلة هم ونابهم ورؤساء أحيائهم ومدريهم ، وزراء تحت السيطرة لانرى منهم جديد ، وزير داخلية مصر وشرطته مضربين عن العمل بشكل تقاعسى وأقسام الشرطة نايمه فى العسل ، والبلطجة مطلوقة فى الشارع على عينك ياتاجر والشارع نفسه يضرب يقلب ، والخدمات من مياه شرب ورى وصرف صحى وكهرباء زفت ونيله ، يعنى عقاب جماعى .. مش انتوا اللى عملتوا ثورة.. هكذا تتكلم ابنتى.. أما عن الانتخابات القادمه فليقل لى عاقل أنه على يقين من أجرائها وان حدث ..هل ستكون نزيها وشفافة ؟

وأصبح شعار المرحلة الجديدة ..كأنك يابوزيد ماغازيت .. ولارحت ولاجيت .. والمصيبة تكمن فى لارحت ولاجيت


هناك تعليقان (2):

  1. زى ما بقول دائما اليومين دول : البلد ابتديت اول 3 شهور بعد الثوره فى مرحله "محلك سر" ثم انتقلنا لمرحله "للخلف در "....كل اسعار اى حاجه تمر على ذهنك زادت الضعف او على الاقل 150%....

    انتخابات ايه ؟؟ اذا كانوا لحد دلوقتى مش عارفين هيعملوها بالقايمه و لا بالنيمه و لا مخلط ...سيبك انت دى بلد عسل

    ردحذف
  2. ده باينله هيبقى مرار طافح :)

    ردحذف