الثلاثاء، 10 أبريل، 2012

سحقا لمن يتوضأ من دموع أمته لكي يركع في محراب أسياده!!

    سحقا لمن يتوضأ من دموع أمته لكي يركع في محراب أسياده!!        
· · · about an hour ago

  • Kimo Elzaeem likes this.
    • Mahmoud El-Dennawy ‎.
      تجتاح صدري الالام والامال
      اظل ابحث يا وطني عن مخرج لك
      فلا أجده بداخلك
      كم تحتاج إلي دماء كثيره
      ألا يكفيك يا وطني حلمي وعشقي لجنباتك
      about an hour ago · · 2
    • Emad Helal وطنى وصبايا واحلامى .. ماذا ان ملكت العالم وخسرتنا
    • Mahmoud El-Dennawy
      ‎.ا وطن الخلاف الضئيل
      يا وطن الانزواء
      يا وطن التمييز
      يا وطن الاغتيال
      يا وطن الاحتيال
      با وطن واخد حقنا
      يا وطن بنهاجم فيك الرقاصه ونتفحص جسمها بدقه
      يا وطن بنعشق شيخك ونخالف كلامه
      يا وطن فيك الحمار ماشي جنب المرسيدس
      يا وطن لميت علينا الهكسوس والتتار والانجليز والامريكان
      يا وطن فيك الحق والباطل
      يا وطن فيك فيروس سي
      يا وطن فيك عقول جباره
      يا وطن فيك عباقره
      يا وطن فيك التحرير
      يا وطن فيك اللي بيدافع عن الفقراء
      يا إما إرهابي يا إما شيوعي
      يا وطن فيك أسرار
      يا وطن فيك خزائن الأرض
      ياوطن برغم كل ده
      بنحبك بعبط وغشم
      56 minutes ago · · 1
    • Emad Helal ياوطن الآلام .. ياوطنى
      ياوطن الأحزان .. ياوطنى
      ياوطن قديم .... ياوطنى
      حكمك غريم ... ياوطنى
      وعشقئك .. النديم .. وجاهين
      ياوطنى
    • Mahmoud El-Dennawy
      ‎.
      الغلابه كتار قوي
      الديابه قليلين قوي
      الديابه قعدوا في القصور
      وأخدوا من الغلابه شوية غلابه
      وعملوا من الغلابه حرس وعسكر علي باقي الغلابه
      وأصبح الغلبان يقهر الغلبان
      والديب بايت سعيد
      كل افلام الحرافيش لم تستطع إيصال الرساله
      .
      يا سلام عليكم يا صفوة البلد
      صدعتونا نظريات وكلام زي المطر عن الحريه وفائض القيمه
      يا سلام عليكم يا شيوخ البلد
      خلاص ما فيش غير القناعه والموت والوضوء
      طيب نروح منكم فين ولمين
      والله إنتوا إللي غلابه
      عاش المصري الفقير المقهور من الاف السنين علي ضفاف النيل
      عاش المصري الغلبان إللي أدمن الذل وبقي يعشقه
    • Emad Helal
      غلبت الزمان .. ياوطنى
      وقهرت الحكام .. ياوطنى
      ودوبت الاحتلال .. ياوطنى
      ونسجت أحلام ... ياوطنى
      نجتك من الطوفان .. ياوطنى
      ورميت همومك.. ياوطنى
      على شطوطك .. ياوطنى
      وعشت عارف .. ياوطنى
      كل المعارف .. ياوطنى
      والرب شايف ... ياوطنى
    • Mahmoud El-Dennawy
      ‎.
      يا وطن مستني رئيس ينقذك
      يا وطن غنيت لحازم وابو الفتوح وحمدين
      إبقي قابلني لو فلحت
      يا وطن مصيرك في إيدين شعبك
      يا وطن ما بقاش فيه حاجه إسمها رئيس
      يا وطن فيه إختراع إسمه مؤسسات
      وللا إنت لسه بتغني
      الديب فات فات وفي ديلو سبع لفات
      .
    • Emad Helal
      انسانك كمان .. ياوطنى
      عاش غلبان .. ياوطنى
      لكنه بإيمان .. ياوطنى
      هيكسر القضبان .. ياوطنى
      ويعيش فى حرية .. ياوطنى
      وعداله اجتماعية .. ياوطنى
      فى لحظه ثوريه .. ياوطنى
      رغم الهوان ... ياوطنى
      قلبك شجاع .. ياوطنى
      وكلك شباب .. ياوطنى
      رغم الذئاب .. ياوطنى
      هتحل الألغاز.. ياوطنى
    • Mahmoud El-Dennawy ‎.
      يا وطن متخيرنيش
      بين سماع موسيقي ولا شيخ
      ليه دايما حاطنني في حالة خناق
      اليسار فيك حرق العلم الصهيوني
      والشيخ أطلق دعواته ولعن الأمريكي
      وأنا والله محرقت علم ولا أمنت علي الدعاء
    • Mahmoud El-Dennawy
      ‎.
      الواد والكبير
      .
      الواد --يا كبير والنبي إحميني
      الكبير --يا إبني ما فيش حاجه إسمها كبير
      ...
      See more
    • Emad Helal
      يمكن خطفوك .. ياوطنى
      لمده شهور .. ياوطنى
      شوية فلول .. ياوطنى
      ومغامر مغرور .. ياوطنى
      بس هتعود .. ياوطنى
      بكل الوعود .. ياوطنى
      تعطى الفقير .. ياوطنى
      وتحب الصغير .. ياوطنى
      وترش العطور .. ياوطنى
      فى الأرض البور .. ياوطنى
      ترجع تزهر .. ياوطنى
      وتجود بالخير .. ياوطنى
      على القهاوى .. ياوطنى
      وفى المصانع .. ياوطنى
    • Muhammad M Badran ايه يا جماعه الندب ده ... اعملوا حاجه مفيده وكل واحد يسعى لفكرته اللي هو مؤمن بيها بجد شويه بدل لغة الاستكانه والحزن دي ... وطبعا لازم نتأكد دايما من صحة أفكارنا ونراجع نفسنا يمكن نكون غلط فنغير للصح ويمكن نكون صح فنتحمس أكتر
    • Mahmoud El-Dennawy
      ‎.
      قلع هدومه في عز ما كان النظام نظام
      كسر عربية مرشح الحزب الوطني
      وكسر كل اللافتات
      وضرب كمان الشرطه وقاومهم
      جري عليه صاحبه إللي أكبر منه وقاله
      إسكت هتروح في داهيه
      كان بيعلمه إزاي يخاف
      وفعلا نجح وإتعلم الواد الصغير أول درس من دروس الإستكانه والخضوع
    • Emad Helal الاوله أه .. ياوطنى
      والثانبة لا .. ياوطنى
      الاوله غدر .. ياوطنى
      والثانية عدل .. ياوطنى
      الاوله انسان
      مطحون كمان
      والثانية ثورة
      زى البركان
      الاوله خدعوك
      بشوية تمثيلات
      والثانية هتقوم تكسر العلامات
      الاوله لحظات زى السراب

      والثانية هتقوم مارد مهاب
    • بشائر الخير ‫الواد الصغير دا انت يا كبير‬
      7 minutes ago ·
    • Emad Helal الدرس انتهى افتحوا الكراريس
      كراريس حمره بدم الشهيد
      لاتخاف حروف تقول وتعيد
      سطورها كلمة تشق الضلمه
      تهتف تغنى اغانى العيد
      وتلعن أبو كل العبيد
      تقولهم يلا مدوا الايد
      ماتخافوا خوف
      ولا قهر جديد
      2 minutes ago ·

ليست هناك تعليقات:

إرسال تعليق