الثلاثاء، 25 مارس 2014

احتفال ثقافى متميز - كتب أحمد حلمى

احتفال ثقافى متميز - كتب أحمد حلمى 



فى احتفال ثقافى متميز استضافت مكتبة الطفل و الشباب بسنورس القوافل الثقافية وكانت سهرة على اوتار العود و صوت عهدى شاكر الجميل و اشعار عبد الكريم عبد الحميد و احمد قرنى و محمد حسنى و محمد علاء الدين و ادارة احمد طوسون و عماد عبد الحكيم و تخلل الحفل معرض لمنتجات ورش العمل بالمكتبة نظمتة الاستاذة هالة معوض واستمع الحضور لاحد المواهب بالمكتبة الطالب طارق محمد و في نهاية حدث تفاعل بين انغام عهدى شاكر و الصحفية سحر شعبان و كانا دوتو رائع و ختم الفنان الجميل عهدى شاكر باغنية ست الحبايب و اسرة المكتبة تشكر الاستاذ محمد طربوش القائم على القوافل الثقافيةو السادة الحضور ونرجوا ان نقدم خدمة ثقافية مميزة










الخميس، 13 مارس 2014

كائن - مهداة الى كائن الدناوى




سواح وماشي في البلاد سواح

والخطوة بيني وبين حبيبي براح
مشوار بعيد وأنا فيه غريب
والليل يقرب والنهار رواح
وان لقاكم حبيبي سلموا لي عليه
طمنوني الأسمراني عامله إيه الغربة فيه
سواح وأنا ماشي ليالي سواح
ولا داري بحالي سواح
من الفرقة يا غالي سواح
إيه اللي جرى لي سواح
كائن
انت كمان جاينى فى عز الليل
وتصرخ فى وشى
وتشد فى هدومى
انت عايز تخدنى لفين ؟
رد عليا وقولى وكلمنى
بتبص ليه بعيون مفتوحه وتتبسم
ابتسامتك بتعزبنى وبتقطع فى جسمى زى السكين
تعالى نقعد .. نقعد هنا تحت النخلتين دول
واللى عنده حاجه يقولها بصراحة ونشيل بعض
احنا لازم نشيل بعض .. احنا من طينه وحده
نفس الريحه ونفس العطن اللى شربنا منه
انت بتبعد وشك عنى ليه ؟
قولتلك تعالى نتمدد هنا تحت النخلتين
ونسمع عويل وصراخ بعض
نتشارك فى الغلب
نسمع الذئب بداخلنا
وجهل الامهات واليتم
ونسأل عن الميت .. الميت اللى من هنا
من النواحى دى .. يمكن يكون ميتنا
هما بيصوتوا عليه دلوقت .. وانت شفته وشفتهم
مش كده برضوا انت شفتهم ؟ .. وشربت من ندبهم
وانت زهره ضغيره لسه بتمد رقبتها عشان تشم النسيم
انت جيتنى ليه فى نصاص اليالى ؟
جيت ترفع عنى الغشاوه .. والهبل والخرافه اللى عايشين فيها
واحنا مش داريين بيها .. وغارقنين فيه لشوشتنا
انت بتقطع السكك عليه ليه وتجينى فى نص الليل ؟
تعالى نقعد تحت النخلتين ظلهم صغير بس هيكفينا
انت بتبص ليه بستغراب عشان بسألك
وانا كنت عارف انك جاى ..!
وجايب فى نصاص الليالى معاك الصره مليانه بحكايات قديمه بتقطع فيه
العاب منسيه ، وسمجات ، وعفاريت ، وجنيات ، بنات موعوده ومختونه
وعيال موجوعه ، ورجاله مكسورة ، وامهات هجاله ، ويتما ومنكسرين
وحواه ، ونصابين ، ومبيضين نحاس ، ومجانين ،  ومصورتيه ، وشحاتين
وندبات ، وعجائز ، وكلاب مسعوره ، وحلاقين ، ومن ده بكره بقرشين
وغوازى ورقصين ، وخلابيص ، وفتوات ، وجربانين .. ولوطين
كل ده عايز تعلقوا فى رقبتى فى نصاص الليالى وتجرسنا
انت رحت فين ؟
ماأنت سوى ابنى
الذى خارج منى
بس